და უდაბნოს ქვიშიდან წამოსული ნიავის მტევნებით,
და არილებით
და დევნით
ლეშგამომშრალი მდინარეებით
და კვდომით
და აუსრულებელი მზერით
და სიტყვით
ვეფერებით სულს
და სიოს მისას
და ქროლვას მისას
და გარემოს ალმოდებული ოცნებებიდან
და ფიქრით
უკალაპოტო სიყვარულით
და ლოცვით
და ლოცვით
და განუგებელი ლანდებივით
ოქროსფერი ფარდებით
და წვიმის ღილაკებით
თაფლით და შოკოლადით
და ფრაზებით
სიტყვებით
ცეცხლით და ლოკოკინებით
და ალუბლებით..
უფალო ჩვენო
და მათო
და შენო
და უფალო სიტყვიერო
და გრძნობიერო
და განცდიერო
ლაქებით ვიმოსებით და ვწვებით..
და მოგვიყევი ზღაპარი და დაგვაძინე
უფალო ჩვენო
და ძაძებით და ჯინსებით
ვთვრებით და ვთბებით
და ვთბებით
და ვთბებით
ტუჩებით
ბაგეებით
თითებით
და ფიქრებით
და ვყვარობთ
და გვიყვარს
ერთი
და ათასი
და ერთმანეთი..
და გამთბარი ხელისგულებით ლოყებზე
ვედებით და ვსრიალებთ
თბილ და თაფლისფერ არომატებში
და ცხელი შოკოლადის ლაგუნებში
და სიმშვიდით
და სიჩუმით
და კოცონთან დატოვებული ვნებებით
და არდამწვარი იმედებით
და მუქი ფერისფერი ფოთლებით
და ჯინსის ქურთუკებით
და ქალამნებით
და თოლიებივით ფაფუკი წამწამებით,
თბილი ლოგინიდან აფრენილი სულით..
და სული კოსმოსია ღრმა
და სული კოსმოსია ღრმა..
და სული კოსმოსია ღრმა...
და ვიბადებით
გალაქტიკებში და თივის ზვინებში
და ჩალისფერ ქალაქებში
და უფალო ჩვენო
და მათო
და შენო
და უფალო მეგობარო
და მამაო
და სულო ჩვენო უფალო
წაგვიყვანე თბილ სახლში
და ქოხში
და ტაძრებში სიყვარულის
და შემოგვიკრიბე უფალო შენს გარშემო
ცხელ ბუხართან
წვიმიან საღამოს და
ცეცხლთან
და ფიქრებთან ჩვენთან
და წაგვიკითხე ზღაპრები
და გრძნობები
და ვთვრებით საკმევლის სუნით
და სასუფევლის ფერებით
და ვთბებით ბუხართან უფალო
და შენს კალთაზე მოკალათებულები
და ვთბებით
და შენი ხელისგულები
მეგობრების ჩვენთა
და ძმების ჩვენთა
და მამების ჩვენთა
გვითბობენ ლოყებს და თითებს
და ვთბებით უფალო
და მოგვეფერე უფალო ჩვენო
და მათო
და შენო
და უფალო გრძნობიერო
და მოვეფეროთ ჩვენ ერთმანეთს
და გვაკოცე უფალო შუბლზე
რადგან მამა ხარ და ძმა ხარ და მეგობარი ხარ
და სული ფოთოლცვენაა
და სული შენია და კოსმოსია და მესიაა
და სული კოსმოსია ღრმა
და ვთბებით
და ვთბებით
უფალო,
ჩვენ შენ გვიყვარხარ!
(2006)
No comments:
Post a Comment